Beannacht duit, a Dháibhíth Óig: dán do Dháibhíth Óg de Barra (†1604/5) ar a theachtin aois

Abstract

Chum Domhnall (mac Taidhg) Ó Dálaigh an dán seo in 1604 nó 1605 do Dháibhíth Óg (mac Dháibhíth mhic Shéamais) de Barra (†1604/5), ag tabhairt léargais dúinn ar chodanna éagsúla dá shaol. Luann an file an t-oideachas a fuair an pátrún nuair a bhí sé óg, turas a rinne sé go Londain le hachainí a dhéanamh ar an Rí Séamas I, agus a phósadh le hEilís Puidhéar, iníon Ristird Puidhéar (4ú Barún le Puidhéar, †1607). Tá an t-eagrán thíos bunaithe ar an gcóip is luaithe de a mhaireann, i LS 23 D 4, Leabharlann Acadamh Ríoga na hÉireann. Foilsíodh tras-scríbhinn den dán seo in ABM sa bhliain 2010 le heagarthóireacht éadrom déanta air. Tá  aistriúchán Béarla ar an dán curtha ar fáil anseo, chomh maith le plé ar ghnéithe den teanga agus den mheadaracht sa réamhrá agus sna nótaí.